Buhay


        Isa sa mga pinakamahalaga sa mundo ay ang BUHAY! Lahat ng tao ay ginagawa ang kanilang makakaya para pagandahin ito at pausbungin. Kaya naman abala ang tao sa pagtatrabaho, pag-aaral, at minsan nauuwi sa krimen tulad ng pagnanakaw at pagpatay. Isa sa mga ambisyon ng tao ay magkaroon ng Pera, Kapangyarihan, Kasikatan, at iba pa. Pero minsan dumarating ang tao sa pag-iisip na “Ano ang rason ko? Bakit ako nabubuhay?” Dahil na rin sa paikot-ikot o paulit-ulit nalang ang nangyayari na parang nagiging boring nalang at walang kulay. Gigising sa umaga, kakain, papasok, uuwi, matutulog. Paulit-ulit nalang! Nakakasawa! Isa sa mga hinaing ng bawat tao sa mundo.
       Kilala mo ba si Jesus? Siguro kilala mo siya dahil sa mga araw gaya ng Christmas at Holy week na kung saan siya ang inaalala. Pero bakit nga ba siya pumunta dito? Bakit siya namatay sa krus ng kalbaryo? Siguro, isa ito sa mga iniisip mo. Ngayon makakakita tayo ng dalawang rason:

1. Lahat ng tao ay nagkasala sa Dios at patungo sa dagat-dagatang apoy (impyerno) [Roma 3:23; 6:23a]

      Nagsimula ito sa hardin ng eden ng mag kasala ang tao sa Dios. Kung titingnan din natin ang mga bata, kahit di natin sila turuan pano sumuntok, mag sinungaling, at kumupit.. ito pa rin ay kanilang natututunan. Ito ang nangyari ng pumasok ang kasalanan sa mundo. May mga magsasabi na “mabait naman ako, maganda naman yung pagpapalaki sa akin, at wala naman akong bisyo kaya siguro pupunta akong langit pero ayon kay santiago, na makikita sa Santiago 2:10 (ASND) “Ang tumutupad sa buong Kautusan pero lumabag sa isa sa mga ito ay lumabag na rin sa buong Kautusan.” Kaya naman kahit sabihin natin na mabuti o mabait tayo hindi pa rin tayo makakatakas sa realidad na makasalanan tayo dahil sa pagsisinungaling, poot ng galit sa kaaway, pagtsitsismis, pangongopya, pandaraya, at iba pa. Kaya naman lahat ng tao ay papunta sa impyerno dahil sa kasalanan. Oo, mapagmahal ang Dios pero wag natin kalimutan na siya ay banal at ayaw niya sa kasalanan. 

2. Dumating siya para tayo'y magkaroon ng buhay [Juan 10:10]

Kung makikita natin sa unang rason, lahat ng tao ay nagkasala (Roma 3:23) at karapat-dapat na patawan ng kaparusahan na kamatay. (Roma 6:23) Isa ito sa rason kung bakit bumaba ang Dios, dahil di natin kayang iligtas ang ating sarili at lahat tayo ay nagkasala. Dahil don may kailangang mamatay na banal. Kaya naman bumaba siya rito para mamatay dahil sa ating mga kasalanan at para magkaroon tayo ng buhay. [Juan 10:10] Ano ang nag udyok kay Jesus para mamatay sa atin? Pag-ibig [Roma 5:8]. Yan ang dahilan. Isang pag-ibig na di natin karapat-dapat na matamo pero Kanyang ibigay. Ang mga kasalanan na dapat tayo ang mag durusa, ay kanyang pinagdusahan at namatay sa Krus ng Kalbaryo. 

Yan ang rason, gusto niya tayong maligtas. Minahal niya tayo sa kabila ng ating kadumihan dahil sa pag-ibig niya sa atin. Yung buhay na paulit-ulit, walang kulay, at walang kabuluhan.. ito ay babaguhin niya. Pero ligtas na ba tayo? Okay na ba ang lahat? Hindi. Kailangan nating talikuran ang ating mga kasalanan (ang kagustuhan ng laman) [Luke 13:3] [Gawa 3:19] at sumampalataya [Juan 3:16] bilang Panginoon (siya na ang mangunguna sa ating buhay) at tagapaglistas [Roma 10:9] 

*Wala ng ibang daan para maligtas. Tungo kay Jesus lang [Juan 14:6]

Comments

Post a Comment

Popular posts from this blog

Ilaw at Asin

Image
Ang ilaw ay nagsisilbing liwanag sa dilim. Ito ang tumutulong sa tao para makita ang di nakikita habang ang asin naman ay ginagamit para mapanatili ang isang isda o karne para di masira/mabulok. Ito ay tinatalakay sa Mateo 5:13-16 ASND, makikita natin sa talata 13a na ang mga tagasunod ni Jesus ang tinutukoy niyang asin habang sa talata 14, tinutukoy naman silang mga ilaw.  Pag atin ng tinalikuran ang kasalanan at nanampalataya kay Jesus bilang Panginoon at Tagapaglistas, tayo na ay ilaw at asin ng mundo. Hindi magiging ilaw at asin PALANG. ✓Ano ang ibig sabihin na kayo ang nagsisilbing asin? Ang ibig sabihin nito na, tayo ang ginagamit ng Panginoon dito sa mundo upang di tuluyang masira ito dahil sa kasalanan. Tinutulungan natin sila na di masira sa pagbabahagi natin sa kanila tungkol sa Panginoong Jesus. Ang alat ng asin ay pwede nating ihantulad sa patotoo (ebidensya ng pagiging Kristiyano) ng isang kristiyano na kapag ito ay nawala - mahirap ng maibalik. Kahit mag sal...
Read more

Ang Aking Kalakasan sa Kabila ng mga Panghihina at Takot

Image
Pag sinubukan mong tumingin sa paligid.. may mga nakangiti, may mga tumatawa at meron ding masaya. Pero sa likod ng mga kasiyahang pinapakita nila sa kanilang mukha, may lungkot at takot pa ring nakatago. Problema ang nagiging dahilan ng panghihina at pagkatakot,  pero ngayon, pag-aaralan natin kung paano ito malalagpasan sa tulong ng salita ng Dios (Ang Biblia) May isang magaling na mandirigma na nagngangalang Josue. Siya ay kanang kamay ni Moses at anak ni Nun. Siya ang ipapalit ng Panginoon kay Moses sa pamumuno sa israel pag ito ay namatay (Deu. 3:28). Hanggang sa namatay si Moses at siya na ang mamumuno.           Ang susunod nating pagbubulay-bulayan na talata ay makikita sa Josue 1:1-9. Makikita natin ang pag-uusap ni Josue at ng Dios. Ang sabi ng Dios kay Josue, (v. 6, 7, & 9) “Magpakatatag ka at magpakatapang.” Pero bakit ito sinabi ng Dios kay Josue ng tatlong beses? Pagbulay-bulayan natin ito. v. 9 “Huwag kang matakot o kaya'y manghi...
Read more

Pagkain

Isa sa mga dahilan kung bakit nagkakaroon ng lakas ang isang tao ay dahil sa pagkain. Pag walang pagkain, pwedeng ikagutom na magiging sanhi ng pagkahina at tuluyang pagkamatay. Kaya naman ito ay Kailangan. Ngayon, ay atin namang pag-aaralan ang tungkol sa pagkaing ispiritual. Ano ba ito? Kailangan ba ito ng isang Kristiyano? Kung ating bubuksan ang ating mga biblia sa Mateo 4:4 ASND Pero sumagot si Jesus, “Sinasabi sa Kasulatan, ‘Hindi lang sa pagkain nabubuhay ang tao kundi sa bawat salita ng Dios.’ ” Makikita natin sa talatang ito na kailangan din ng tao ng pagkaing ispiritual at yun ay ang salita ng Dios. Ano ang makikita nating benepisyo sa salita ng Dios sa ating ispiritual na buhay? (Makakakita tayo ng dalawa) [✓]Josue 1:8 ASND  “Huwag mong kalimutang basahin ang Aklat ng Kautusan. Pagbulay-bulayan mo ito araw at gabi para malaman mo kung paano mo matutupad nang mabuti ang lahat ng nakasulat dito. Kung gagawin mo ito, uunlad ka at magtatagumpay.” Maraming Kristiyano a...
Read more